Pembangunan Instalasi Air Bersih

Pembangunan Instalasi Air Bersih

Tirta Mas

Desa Pengotan

Program Mandiri bersama “Mandiri”

 LATAR BELAKANG

Desa Pengotan terdiri dari 8 banjar memiliki luas wilayah dan Jumlah KK 1.300. Jumlah warga penduduk yang demikian besar memerlukan aneka kebutuhan pokok, termasuk yang paling mendasar adalah air bersih dalam jumlah yang besar. Kebutuhan air bersih ini meliputi berbagai aspek kehidupan mulai dari pemenuhan kebutuhan rumah tangga sampai usaha keluarga dan ekonomi produktif. Begitu banyak jumlah penduduk ini, kami klarifikasi dalam 3 kelompok berdasar dari rata rata kebutuhan 1 keluarga akan air bersih.

Kebutuhan Air

No	Kelompok	%	Jmlh KK	Keb  air  (liter)	Total keb (m3)
1	KK sederhana	10	130	225	29,25
2	KK ekonomi keluarga	82	1066	400	426,4
3	KK ekonomi produktif	8	104	900	93,6
	Jumlah	100	1300		549,25

Pemenuhan Kebutuhan Air
di Desa Pengotan per Hari

Kebutuhan air bersih selama ini kami klarifikasi lagi berdasar dari sumber airnya yaitu

Sumber Tadah Hujan                      60%        =   416 m3

Beli di pedagang air bersih           38%        =   263 m3  

Pengangkatan swakelola                2%        =     13 m3

Total Kebutuhan per Hari                             549,25 m3

Nilai Uang

Untuk point 2, yaitu pembelian  Air Bersih oleh warga di pedagang air kami kalkulasi dengan harga sesuai harga air di daerah setempat yaitu 30.000/m3 atau 1 truk tangki dengan kapasitas 5m3 Rp 150.000,
 Maka  warga Desa Pengotan harus mengeluarkan biaya untuk pemenuhan kebutuhan air bersih adalah
 6.261.000  per Hari

Contoh Pengelolaan Air
di banjar Penyebeh

Jumlah kk 117
Pemakai instalasi swadaya swakelola  87 kk
Harga air di pengelola Rp 8.500
Di konsumen Rp 10.000.
Sumber Air dari sumur bor milik swasta.

Bisnis Plan
“Tirta Mas”

 
Peluang Pasar

Dari 8 banjar, baru ada 1 yang terpenuhi kebutuhan air bersih, itupun masih mahal yaitu Rp 10.000.  Yaitu Banjar Penyebeh

Masih ada 7 banjar yaitu Padpadan, besengaa, Yoh, Sunting, dajan umah, delod umah, tiying desa dengan total KK  1.183 KK

Dengan kebutuhan sebesar 240 m3 per hari

Banjar Penyebeh sendiri, masih mengusulkan agar Sumber Air dengan Sumur Dalam bisa dipenuhi oleh Desa, agar tidak tergantung dari orang luar yang jika air ada masalah maka masyarakat Penyebeh tidak dapat air.
 
Target Pasar

Untuk Tahap 1

Dari 1.300 KK, 117 sudah terpenuhi yang di banjar Penyebeh, sisanya 1.183 akan di prioritaskan 500 kk mencakup  2 dusun yaitu dajan Umah dan Delod Umah dengan kebutuhan air mencapai 200 m3 per hari

Tahap 2

Sisanya yang 683 KK menjadi prioritas berikutnya dengan kebutuhan air mencapai 280 m3 per hari

Tahap 3

Melayani kebutuhan masyarakat penyebeh dan masyarakat sekitar desa Pengotan.

Rencana penjualan

Produksi air bersih dari Usaha Air Bersih ”Tirta Mas” akan dijual melalui 3 metode, meliputi

Metode pipanisasi, mencakup 2 wilayah banjar yaitu banjar Delod Umah,  Banjar Dajan Umah dengan jumlah konsumen ±500 kk.

Metode Truk Tangki. Hasil produksi Usaha Air Bersih ”Tirta Mas” akan dijual kepada umum melalui truk tangki yang sudah ada di BUMDES dengan harga 10% lebih murah dari harga truk tangki umum.

Jika ada kelebihan pasokan maka produksi akan dijual melalui metode truk tangki yang dimiliki oleh perorangan.

Analisa Usaha

Perkiraan harga Air di Pengelola

Harga Jual

Harga di pengelola                                           Rp    7.180.

Harga per 1 Truk di konsumen                    Rp 125.000.

Harga Di atas truk                                             Rp  36.000.

Harga  dengan Pipanisasi                              Rp    9.000.

Nilai Penjualan

Biaya Operasional

Laba

Nilai Penjualan                                  Rp 21.540.000

Biaya biaya                                          Rp 14.703.000

Nilai laba                                                              Rp  6.837.000

Laba dalam setahun                        Rp 82.044.000

Proyeksi  Laba rugi  5 tahun

Pay Back Period

Payback Period dicapai pada tahun keempat

Net Present Value dengan diskonto 12% dicapai pada tahun kelima

Internal Rate Of Return pada tahun kelima sebesar 12%

Dampak

Jika dijual dengan Truk (dalam nilai Rupiah)

Harga beli masyarakat Rp 30.000 atau Rp 150.000 per 1 Truk selama ini

Rencana harga jual “Tirta Mas” per truk 125.000.

Maka ada penghematan sebesar Rp 5.000 per m3

Produksi maks 100m3 adalah 500.000 per hari

Atau sebesar Rp 182.500.000 per tahun

#

Jika dijual dengan pipanisasi (dalam nilai Rupiah)

Harga beli Rp 150.000 per 1 Truk atau Rp 30.000 per m3

Rencana harga jual “Tirta Mas” melalui pipanisasi adalah Rp 9.000. per m3

Maka ada penghematan sebesar Rp 21.000 per m3

Produksi maks 100m3 adalah 2.100.000 per hari

Atau sebesar Rp 766.500.000 per tahun

Dampak

Dampak Sosial Ekonomi masyarakat

Biaya pemeliharaan ternak jadi lebih murah karena harga air sudah murah

Biaya pemeliharaan Pertanian jadi lebih hemat.

Kemungkinan masyarakat untuk membuka usaha baru lebih besar berkat jaminan ketersediaan air sebagai kebutuhan pokok usaha seperti peternakan.

Dampak Sosial Ekonomi masyarakat

Terbuka kesempatan usaha kreatif yang lain seperti pertanian modern misal Green house.

Kemungkinan paling besar terbuka kesempatan usaha peternakan ayam petelor baru, karena ayam petelor tidak bisa minum air tadah hujan.

Dampak lebih jauh

Dengan penggunaan air yang sesuai dengan kebutuhan maka peternakan babi dan sapi bisa menghasilkan slury atau pupuk cair yang lebih banyak, sehingga bisa dimanfaatkan untuk kebutuhan pertanian dan perkebunan.

Waktu yang dulunya dipergunakan masyarakat untuk memenuhi kebutuhan air bersih kini bisa di pakai fokus untuk mengelola usaha lainnya.

Sekian dan Terima Kasih

 

PERAREM DESA PAKRAMAN PENGOTAN

 

PALET  I

INDIK KRAMA DESA

Pawos 1

1)      Krama Desa Pengarep Ideran, Inggih punika Krama sane ngewaris,ngamong  Tegal Ayahan Desa lan ngemarginin lulu apad ring Pura Bale Agung.

2)      Krama Desa Pengarep Mamungkul, inggih punika Krama Sane Ngewaris,Nyepih melarapan antuk numbas, lan ngamong tegal Ayahan Desa  akidiknyane 1 Hektar.

3)      Krama Desa Pengerp Nyibakin, inggih punika Krama Sane Ngewaris,Nyepih melarapan antuk numbas, lan ngamong tegal Ayahan Desa  akidiknyane 50 Are.

4)      Krama Desa Pnyampingan utawi roban, inggih punika Krama Sane sampun mawiwaha  ,Jenek  mapaumahan  ring Wewidangan Desa Pakraman Pengotan sakewanten nenten ngamong Tegal Ayahan Desa mekadi ketekan ring ajeng,

5)      Krama Seka Teruna, inggih punika Krama Sane sampun mayusa teluas (13) warsa  ngan tos tigang dasa lima (35) warsa  termaning durung mawiwaha.

Pawos  2

Munggah  dados Krama Desa Pakraman Pengotan :

1.      Sangkaning ngewaris,ngamong lan Nyepih melarapan antuk numbas Tegal Ayahan Desa.

2.      Mawiwit Pawiwahan

3.      Sangkaning pinunas ngeraga, duaning jenenk mapaumahan ring wewidangan Desa Pakraman Pengotan.

Powos  3

1.      Panemaya munggah Makrama Desa, mewaneng pemargi  ngusaba Desa  rikala
      Punama Karo, kadulurin antuk pasadok ring Prajuru  Desa Pakraman.

2.      Sang munggah  Makrama Desa  patut  naur penaub mekadi ketekan ring sor :

a.  Krama sane munggah mekrama Desa mawiwit  sakeng  Pawiwahan, lan                    reramannyane  sampun ngerajing  mekrama Desa,  keni penaub munggah  makrama Desa  10 ( dasa) kg. beras.

b.  Krama sane munggah mekrama Desa mawiwit sakeng dura Desa melarapan antuk pinunas ngeraga kenin penaub munggah  makrama Desa   50 ( seket) kg. beras.

3.      Sang munggah  mekrama Desa  kamunggahang manut ska-ska sane Sampun wenten ring Desa Pakraman Pengotan.

Pawos  4

Panemaya Wusan dados Krama Desa Pakraman Pengotan :

1.      Sangkaning pinunas ngeraga, duwaning kesah kedura desa.

2.      Seda/ceput

3.      Kanorayang duwaning sampun tan prasida ngesehin solah maprawerti lan state nguwug kecaping awig-awig lan perarem desa.

Pawos  5

1.  Sahanan Krama sane sampun  wusan mekrama Desa, sakewanten kari jenek     mapaumahan ring wewidangan Desa Pakraman Pengotan,  patut kerob kundul, utawi munggah cacah jiwa ring krama sane kari munggah mekrama Desa.

2.      Menawi wenten sinalih tunggil krama sane nenten munggah cacah jiwa utawi  kerob kundul  ring sang krama sane kari munggah mekrama desa,  kebenjang pungkur  ke pancabaya nenten polih  pengeromba desa, lan nenten dados  ngangge padruwen desa pakraman.

3.      Prade kelayusekaraan utawi padem  sang krama sane nenten munggah cacah jiwa utawi kerob kundul  ring sang krama sane kari munggah mekrama desa,  yan jagi pacang ngange setra Desa Pakraman Pengotan patut keni pananjung batu  250(satakn seket) Kg. beras

Pawos  6

Tategenan Krama Desa Pakraman Pengotan

1.      Krama Desa Pengarep Ideran, keni tetagenan, nyanggra Betara Kerta, Nyanggra Betara Pingit, pemargi lulu Apat ring Bale Agung, rerampen, Urunan, lan petedunan manut tatujon.

2.      Krama Desa Pengarep Mamungkul,keni tategenan, rerampen, Urunan, lan petedunan manut tatujon.

3.      Krama Desa Pengerp Nyibakin,keni tategenan rerampen rikala upacara Ngusba lan Ngapat, Urunan, lan petedunan manut tatujon.

4.      Krama Desa Pnyampingan utawi roban, keni tategenan,urunan  lan patedunan manut geginan/Seka

5.      Krama Seka Teruna,keni tatagenan, penyenggra wali , mareresik ring sewidangan Desa Pakraman Pengotan.

Pawos  7

Indik Tategenan Urunan Penyanggra Upacara/wali  :

1.      Krama Desa Pengarep Ideran, lan  Krama Desa Pengerep Mamungkul, keni  urunan Upakara/puja wali rika Wali, Ngusaba, Purnama Kapat, Purnama Kedasa, Purnama Kenem, lan Upakara sane siosan, sane ketaur  nyabran enam sasih rikla Tumpek Kuningan.

2.      Krama Desa Nyibakin, lan Krama Desa Penyampingan utawi roban, keni urunan pangeromba upakara/puja wali rikala Ngusaba Dalem, Odalan Toya, Mesegeh, Mejaga/Nimpung,  sane ketaur  nyabran enam sasih rikla Tumpek Kuningan.

3.      Munjuk lungsuring urunan penyanggra upacara/wali , kaputusang ring paruman  Desa

Pawos  8

Indik Tategenan Urunan Wewagunan  :

1.      Sahanan Krama sane ngewaris,nyepih,lan ngamong tegal Ayahan Desa keni urunan wewangunan, manut ring kawentenan  tegal ayahan desa sane  kagamel.

2.      Krama Desa Pakraman sane nenten ngewaris,nyepih,lan ngamong tegal Ayahan Desa, taler dados ngaturang punia pengeromba wewangunan.

3.      Munjuk lungsuring urunan wewangunan  per are, kaputusang ring paruman  Desa.

Pawos  9

Indik pamindanda penauran urunan :

1.      Krama Desa sane durung naur urunan manut waneng  keni  pamindanda  selai persen         ( 25 % ) sakeng pokok urunan nyabran asasih.

2.      Waneng pawilangan pamindanda urunan nyabran rahia tilem.

3.      Krama Desa sanen nenten naur urunan salami  roras (12) sasih patut keni pamindanda rerampagan.

Pawos  10

Olih-olihan Krama Desa Pakraman Pengotan :

1.      Krama Desa Pengarep Ideran, Polih Kawas ring bale agung, Kawas lungsuran bakti, kawas bakti penimbang, kawas ulam peserah , kawas ulam bakti pecaruan lan pengayoman sakeng  Desa Pakraman.

2.      Krama Desa Pengarep Mamungkul, Polih, Kawas lungsuran bakti, kawas bakti penimbang, kawas ulam peserah , kawas ulam bakti pecaruan lan pengayoman sakeng  Desa Pakraman.

3.      Krama Desa Pengerp Nyibakin, Polih Kawas lungsuran bakti, kawas bakti penimbang, kawas ulam peserah , kawas ulam bakti pecaruan lan pengayoman sakeng  Desa Pakraman.

4.      Krama Desa Penyampingan utawi roban, Polih, kawas bakti penimbang, kawas ulam peserah , kawas ulam bakti pecaruan lan pengayoman sakeng  Desa Pakraman.

5.      Krama Seka Teruna, Polih, kawas bakti penimbang, , lan pengayoman sakeng  Desa Pakraman.

PALET II

INDIK KRAMA TAMIU

Pawos 11

1.      Sahanan  Krama  sane rauh sangkeng dura desa kasinenggeh karma tamiu

2.      Krama Tamui mekadi ring ajeng  keni dana pengerob kondul  manut ketekan sekdi ring sor :

a.  Krama Tamui sane jenek  ring Wewidangan Desa Pakraman Pengotan, langkung ring asasih keni dana pengerob kundul   5(lima) kg. beras  adiri nyabran asasih.

b.  Krama Tamui sane jenek  ring Wewidangan Desa Pakraman Pengotan, kirang ring asasih keni dana pengerob kundul   5 (lima ) kg. beras  adiri.

c.  Krama Tamiu sane rauh ring wewidangan Desa Pakraman Pengotan, gumanti matetujon malilecita/mawisata keni dana Rp. 15.000. adiri.

Pawos 12

1.        Krama Desa Pakraman sane ngerauhang utawi ngerobang  tamiu patut masadok ring Prajuru  Banjar,lan Prajuru Desa se-sep 3(tigang) rahina sakeng pengerauh tamiu.

2.        Krama Desa sane nenten ngemargiang pidabdab ring ajeng keni danda 25(selae) kg. beras

Pawos  13

Krama Tamui sane meduwe Utsaha ring wewidangan  Desa Pakraman Pengotan, keni tategenan sekadi ketekan ring sor :

1.         Krama Tamui sane maduwe utsaha Pertamina keni  dana pengerojong karya   50 (seket) Kg. beras nyabran asasih.

2.          Krama Tamui sane maduwe utsaha Jasa Pariwisata  keni  dana pengerojong karya      50 (seket) Kg. beras nyabran asasih.

3.         Krama Tamui sane maduwe utsaha Sorum, Toko, Koperasi,bengkel lan sane tiosan  keni  dana pengerojong karya   25 (selai) Kg. beras nyabran asasih.

Pawos  14

1.      Krama tamiu sane jagi ngewangun utsaha ring wewidangan Desa Pakraman Pengotan, patut masadok lan polih ijin sakeng Prajuru Desa Pakraman.

2.      Prede durung polih ijin sekeng Prajuru Desa, sakewanten utsahanyane sampun memargi keni danda 100(satus) kg. beras.

PALET III

INDIK PRAJURU

Pawos  15

Pepalihan Prajuru Desa Pakraman Pengotan :

1.    Panuntun Desa  Pakraman :

1. Jero Dulun  lan Jero Mangku Kahyangan Tiga
2. Kerta Desa
3. Perbekel Desa Pengotan

2.    Prajuru  Utama :

1. Bendesa Pakraman
2. Pangliman utawi petajuh
3. Penyarikan utawi Juru Surat
4. Petengen utawi juru raksa
5. Pangeromba Baga Paryangan
6. Pangeromba Baga Pawongan
7. Pangeromba Baga Palemahan

3.    Prajuru Kelihan Seka :

1. Kelihan Seka Baris
2. Kelihan Seka Gong
3. Kelihan Seka Santi
4. Kelihan Ska Pengenter Membakti,lan Ilen-ilen
5. Kelihan Seka Pajeng
6. Kelihan Ska Upasrana
7. Kelihan Seka Prabot

8. Kelihan Seka Penyimpen Gong
9. Kelihan Seka tenda
10. Kelihan Seka Ebat
11. Kelihan Ska Pecalang
12. Kelihan Seka Pangasrian
13. Kelihan Seka Linstrik/Elektronik
14. Kelihan Seka Pengenter Tamiu
15. Kelihan Seka Pamupul  Dana

4.    Kelihan Banjar Pakraman

1. Kelihan Banjar Pakraman Padpadan
2. Kelihan Banjar Pakraman Penyebeh
3. Kelihan Banjar Pakraman Besenga
4. Kelihan Banjar Pakraman Yoh
5. Kelihan Banjar Pakraman Sunting
6. Kelihan Banjar Pakraman Dajan Umah
7. Kelihan Banjar Pakraman Delod Umah
8. Kelihan Banjar Pakraman Tiyngdesa

Pawos 16

Bendesa, Wakil Bendesa lan Prajuru Desa Pakraman  kaadegang nyabran 5(limang) warsa melarapan antuk  paruman utawi pemilihan.

Pawos  17

1.      Pemilihan Bendesa, lan Prajru Desa Pakraman, kalaksanayang oleh Panitia sane kasudi antuk paruman Prajuru Desa Pakraman.

2.      Pantia Pemilihan  Bendesa, lan Prajru Desa Pakraman, kemanggalaning olih Perbekel Desa Pengotan lan  Prajuru Desa Pakraman Pengotan.

Paowos 18

Tata cara ngelaksanayang Pemilihan Bendesa, lan Prajru Desa Pakraman, karincikang oleh Panitia Pemilihan.

Pawos  19

Tategenan Prajuru Desa Pakraman :

Bendesa lan Prajuru Desa Pakraman maduwe tategenan manut genah utawi linggih ring Pepalihan Prajru Desa Pakraman Pengotan

Pawos 20

Olih olihan Prajuru Desa Pakraman :

1.      Bendesa Pakraman  polih insentif marupa jinah sakeng Pemerintah.

2.      Pengangge setelan sakeng Desa Pakraman

3.      Bendesa lan Prajuru Desa Pakraman Polih pengujung utawi kawas, rikanjekan wenten pemargi piodalan/puja wali.

4.      Bendesa lan Prajuru Desa Pakraman Polih kawas bakti penimbang, bakti ulam peserah, lan  lungusuran bakti piodalan/pujawali.

5.      Prajuru Utama lan Kelihan Banjar Paraman,  polih leluputan nenten nyanggra utawi ngiring pekayunan dados Jero Penyangga.

Pawos 21

1.      Sahanan Prajuru Desa Pakraman, takala durug tutug panemaye dados Prajru Desa pakraman sakewanten wusan utawi tedun  medesa, patut kagentosin.

2.      Pagentosan Prajuru Desa pakraman sekedi ketekan ring ajeng, kelaksanayang maduluran antuk paruman dulu lan Prajuru Desa Pakraman, selanturnyane kasiarang utawi kasobiahang majeng ring Krama Desa. 

PALET III

INDIK PARUMAN

Pawos  22

Paruman dulu lan Prajuru Desa kalaksanyang :

1.        Paruman rutin, nyabaran rahina telem.

2.        Paruman napkala(Patgata kala) ring sajeroning jagi ngerincikang pemargi upacara/puja wali

3.        Paruman pemargi pawiwahan.

Pawos  23

1.    Paruman dulu lan Prajuru Desa Pakraman , patut karauhin oleh dulu Desa lan Prajuru desa Pakraman Pengotan.

2.    Pet prade wenten selih sinunggil dulu desa utawi Prajuru Desa, nenten rauh ring sajeroning paruman, turmaning nenten wenten pesadok, patut kerni danda 2  (duang) Kg beras.

Pawos 24

Paruman Desa Pakraman :

1.        Paruman rutin, nyabaran rahina Saniscara Keliwon (tumpek).

2.        Paruman napkala(Patgata kala) ring sajeroning jagi ngerincikang pemargi upacara/puja wali

3.        Paruman pemargi pawiwahan.

Pawos  25

1.        Paruman  Desa Pakraman , patut karauhin oleh dulu Desa  Prajuru Desa, lan Krama desa Pakraman Pengotan.

2.        Pet prade wenten selih sinunggil dulu Desa,Prajuru lan  Krama Desa, nenten rauh ring sajeroning paruman, turmaning nenten wenten pesadok,  keni pamidanda 1 (akilo) kg. beras.

PALET  IV

INDIK KARANG LAN TEGAL AYAHAN DESA

Pawos  26

1.      Krama Desa sane ngamong Karang Desa, Patut ngewatesin karang inucap  sanistane ngangge tiing, lan patut ngewetenang pareresik  nyabran harina.

2.      Karama Desa sane ngamong Karang Desa, tan kapatutang nandur, Padang gajah, Punyan biyu, Punyan Kopi, Punyan Nangka, Jepang lan  punyan juuk  lan punyan-punyanan sane mapunya ageng ring sajeroning karang desa.

3.      Krama Desa sane jagi Ngewangun lan mecikang wewangunan ring sajeroning Karang Desa (Desa Tradisional) patut masadok ring Prajuru Desa.

4.      Krama Desa sane mamurug  ring uger-uger  makadi ketekan ring ajeng keni danda   50(seket) kg beras.

Pawos 27

1.      Krama Desa sane jenek mapaumahan ring Krang Desa (Desa Tradisional) tan kapatutang mamiare wewalungan  suku 4(pat) ring karang desa, prede wenten mamurug keni danda 100(Satus) kg beras.

2.      Sahanan Krama Desa tan kapatutang, mejejemuhan, ngutang leluhu,mebacin ring margi agung lan ring genah-genah sane nenten kapatutang, prede wenten mamurug keni danda 25(Selai) kg beras.

Pawos  28

1.      Krama Desa   sane ngewaris,lan kari ngamong tegal  ayahan Desa atawi ayah Ideran, sane sampun  kirang ring  1(satu) hektar tan kedaosang ngadol.

2.      Pet prade wenten Krama Desa sane mamurug  uger-uger  ring ajeng keni danda  500(limang atus) kg beras, lan sane numbas taler keni danda  500(limang atus) kg beras. Turmaning  pengadolan tegal ayahan punika wangde.

PALET  V

KASUKERTAAN KAYANGAN

Pawos 29

Krama desa Pakraman tan kelugra ngerajing ke pura  duwaning ketiben cuntaka utawi sebel mekadi ketekan ring sor :

1.     Cuntake/sebel     antuk ngerajasuwala

2.      Cuntaka/sebel madue putra salami 12 rahina usan nyeeb brahmalan nyepuh  ring sang lanang, tutug akambuhan ring sang istri, tutug telubulan ring sang rare.

3.      Cuntaka/sebel Pengantenan, 12 rahenina  usan nyeeb bramha lan nyepuh ring sang pengenten

4.      Cuntaka/sebel  kelayu sekaran, 3 rahina, ringkrama banjar, 12 rahina usan nyeeb brahma ring pengapit/karang,  42 hari ne usan nyepuh ring sang maduwe kelayusekaran                 ( keluarga 1 merajan).

5.      Krama Desa sane memurug  pariwerti cuntaka/sebel keni pesapuh-sapuh alit lan danda 10(dasa) kg. beras.

Pawos 30

1.      Dulun Desa,lan Prajuru Desa Pakraman patut nyiarang pemargi ngempet utawi nyebel majeng ring krama desa Pakrangan.

2.      Dulun Desa,lan Prajuru Desa Pakraman patut ngicen galah majeng ring Banjar Pakraman  sane nunas galang, dwani ring Banjar Pakraman jagi kemergiang Puja Wali.

Pawos  31

1.      Tankepatung ngeranjing ke Pura mapengangge, Sarung, celana jeler, metopong, lan sane nenten manut uger-uger.

2.      Prajuru utawi petugas sane ngemargiang tugas dinas, ngeranjing ke pura senanistane patut ngangen selendang.

3.      Krama Desa sane mamurug ringdaging uger-uger mekadi ketekan kaping siki ring ajeng keni danda 10(dasa) kg. beras.

PALET  VI

INDEK KELAYUSEKARAN LAN PITRA YADNYA

Pawos 32

Krama Desa sane meduwe keluarga kelayusekaran patut mapidabdap sekadi ring sor :

1.      Keluaga sane meduwe keluarga kelayusekaran patut masadok ring Kelihan Banjar Pakraman, selanturnyane Kelihan Banjar Pakraman nyadokang ring Dulu, lan Bendesa Pakraman.

2.      Ngerincikang  upacara lan eteh-eteh pemendeman sawa.

3.      Ngemargiang upacara pesapuh alit utawi melis, ri sampun tutug 3 rahina

4.      Ngemargiang pesapuh nyeeb brama, risampun tutug 12 rahina

5.      Ngemargiang upacara nyepuh risampun tutug 42 rahina.

Pawos 33

1.      Prade sang kelayusekaran nenten ngeranjing mekrama desa, lan nenten kerob kundul munggah cacah jiwa ring  krama/keluarga sane mekrama desa, sadurung jagi ngange setra Desa Pakraman Pengotan patut wenten putusan Desa Pakraman lan naur penanjung batu  250(satak seket) Kg. beras.

2.      Krama/keluarga sane maduwe kelayusekaran patut polih patus lan pangeromba sangke krama Banjar Pakraman soang-soang.

3.      Patus Krama Banjar  Pakraman ritatkala wenten kelayusekaran, luwire Baas akilo, Kopi Cangkir, Gula ¼ Kilo, taluh siap 2(duang) siki.

Pawos 34

Pidabdab pemargi upacara Pitrayadnya utawi ngaben masal

1.      Atiwa-tiwa utawi ngaben masal kemargiang risampun wenten wak wakan dewase sakeng dulun desa manut kerta.

2.      Krama Desa sane jagi ngemileten  upacara ngaben masal patut masadok riin  ring Kelihan Banjar Pakraman, selanturnyane  Kelihan Banjar Pakraman nyadokang ring dulun Desa lan Bendesa utawi Prajuru Desa Pakraman.

3.      Risampun wenten pesadok saking Kelihan Banjar Pakraman, Dulu Desa lan Bendesa utawi Prajuru Desa Pakraman patut ngermargiang paruman, sane kesarengin olih Dulu Desa,Prajru Desa lan Krama sane jagi ngemiletin upacara ngaben masal.

Pawos 35

1.      Pidabdan,lan pemuput  Pitra yadnya utawi ngaben masal kemargiang manut kerta lan dresta Desa Pakraman Pengotan.

2.      Bendesa lan Prajru Desa Pakraman  pinaka pengenter  ring sajerongning Pitra yadnya utawi ngaben masal ring Desa Pakraaman Pengotan.

3.      Pemargi Pitra yadnya utawi ngaben masal patut polih pengeromba sakeng warga Desa Pakraman manut tatujon.

Pawos 36

Prade sang ngemiletin pitra yadnya utawi ngeben masal sakeng duru desa lan nenten ngeranjing mekrama desa, tur nenten kerob kundul munggah cacah jiwa ring  krama/keluarga sane mekrama desa, patut wenten putusan saking Desa Pakraman lan naur penanjung batu  250(satak seket) Kg. beras.

Pawos 37

1.      Pepatusan Krama Banjar  sewewidangan Desa Pakraman Pengotan  rikala wenten kelyusekaran lan pemargi Pitrayadnya utawi ngaben masal luire :

a.  Patus arta barana, luwire  beras 1 kilo, nyuh bungkul, kopi acangkir, gula alumur.

b.  Patus jinah manut  kesungkuman ring soawang-soang Banjar Pakraman.

2.      Pepatusan mekadi ring ajeng katuriksain, lan kasukserahang  ring krama sane patut ,olih Kelihan Banjar Pakraman.

3.      Pemargi pepatusan tan kapatutang wenten pengewales  sangkeng sang maduwe karya.

PALET  VII

INDIK PAWIWAHAN

Pawos 38

Galah Pawiwahan utawi kawin masal , kemargiang nyabran sasih Kapat lan sasih Kedasa, turmaning sampun wenten  wak-wakan  sakeng dulu desa .

Pawos 39

Pidabdan pemargi pawiwahan utawi kawin masal :

1.    Kapertama pengelaksna pengidih mesarana canang sedah utawi taksu , sane kemargiang olih keluarga sang lanang marep keluarga sang wadon.

2.    Kaping Kalih, risampun keluarga sang lanang lan sang wadon pada aris ring sejeroning pangkinkinan pawiwahan, keluarga sang lanang lan sang wadon patut masadok ring dulu desa, lan Bendesa utawi Prajruru Desa, mesrana canang kaputan, nguningang ring sajeroning jagi ngemiletin pemargi pawihan utawi kawin masal.

3.    Kaping Tiga, pemargi peplakuan, keluarga lanang  lan keluarga wadon matemuang baos ring sejaroning ngerincikan jagi naur bakti peserah lan bakti dande pakerang.

4.    Kaping Empat, Pemargi pawiwahan,lan ngaturang bakti peserah mesrana banteng sane kangkat kerojong sareng-sareng antuk soang-sowang sane mawiwah.

5.    Kaping Lima, risampun wusan ngemargiang pawiwahan ring Pura Penataran Agung, sang mawiwaha  ngelanturang ngemargiang pebrataan salami 3(tinggang) rahina ring puri sowang-soang .

6.    Pemargi Pebratan patut kemargiang ring Desa, lan tan kapatutang ngemargiang ring pondok

7.    Kaping Enam, risampun tutug pemargi pebratan salami 3(tigang) rahina kelanturang antuk pemargi temu pewarangan lan meketipat bantal.

Pawos  40

Ring Krama sane jagi ngermargiang pawiwahan patut naur danda pengelamuk kerta mekadi ketekan ring sor :

1.    Danda Pengelamuk Kerta Purnama, tilem, lan ngerekasih 5(limang) Kg. beras

2.    Danda Pengemuk Kerta ngenjek Piodalan 5(limang) Kg. beras.

3.    Danda Pengelamuk Mobot  5( limang) Kg beras asasih

4.    Danda Pengelamuk ngembasan putra 50(seket) kg beras

Pawos 41

1.    Danda pengelamuk kerta kakanenin ring sang pacang mawiwaha  sane sampun makubukan,ngerorod,mobot, lan ngembasan putra.

2.    Sesuwene makubukan jagi kawilangan olih dulu desa lan Prajuru Desa  salami awarsa.

Pawos 42

1.    Pamutus ring sajeronong danda pengelamuk kerta kaputusang ring paruman dulu lan Prajruru Desa rikala  sang maduwe keluarga nyadokang lan makta canang kaputan pengulem ring ajeng dulun Desa lan Prajuru Desa.

2.    Munjuk lungsuring danda sane patut katawur, kariinin  antuk panuriksaan oleh Prajruru Desa Pakraman.

Pawos  43

Krama sane sakeng duru desa lan tan maduwe paiketan utawi bebanuan ring Desa Pakraman Pengotan, ngambil rabi lan ngemargiang pawiwahan ring Pura Penataran Agung Desa Pakraman Pengotan patut naur danda pakerang  marupa banteng adiri, tur dados katuku antuk jinah.

Pawos 44

Ring pemargi temu pewarangan utawai metampiang bantal tipat patut kaupasaksi olih Kelihan Banjar Pakraman, Bendesa utawi Prajuru   Desa Pakraman Pengotan , Kelihan Dinas, lan Perbekel Desa Pengotan.

PALET  VIII

INDIK NYEPI KERTA LAN NYEPI TAHUN SAKA

Pawos 45

Nyepi Kerta kemarging ring riwus ngemargiang odalan Ida Betara Pingit ring Jero Anjar sane memargi ring puarnama keenam.

Pawos 46

Ketekan pemargi pebaratan nyepi Kerta sane kermargiang salami 11(solas) rahina :

1.      Nenten dados ngulkul utawi mesuara goraan sepenungilannya.

2.      Nenten dados mutuang biuta.

3.      Nenten dados matetampahan sane ngemetuang Rah, lan ngemergiang Tabuh Rah.

4.      Nenten Dados nekaang utawi ngeluasang wewalungan .

Pawos 47

Krama Desa sane mamurug ring pebratan Nypi Kerta keni danda 20(duang dasa) Kg. beras lan ngaturang bakti guru piduka ring bale agung.

Pawos 48

Nyepi Tahun Saka  kemarging ring riwus ngemargiang Pecaruan Tilem Kesanga utawi wusan pawilangan tahun saka.

Pawos 49

Ketekan pemargi pebaratan Nyepi Tahun Saka sane kermargiang salami 1 x 24 jam

1.      Nenten dados ngulkul utawi mesuara goral an sepenungilannya.

2.      Nenten dados mutuang biuta.

3.      Amati Geni

4.      Amati Kaya

5.      Amati lelanguan

6.      Amati lelungaan

Pawos 50

Krama Desa sane mamurug ring pebratan Nypi Kerta keni danda 20(duang dasa) Kg. beras lan ngaturang bakti guru piduka ring bale agung

PALET  IX

INDIK TABUH RAH

Pawos 51

Tabuhrah tiosan ring ngemarnggiang wali/kerta tankepatutang kalaksanayang ring joroan Pura sewewidangan Desa Pakraman pengotan.

Pawos 52

1.      Pemergi tabuh rah patut melarapan antuk pesuara sakeng Desa Pakraman.

2.      Ring sejeroning ngemargiang tabuh rah sane kasungkemin ring Krama Desa Pakraman Pengotan, patut kaenter oleh Bendesa,Prajruru Inti lan Kelian Banjar Pakraman sewewidangan Desa Pakraman Pengotan.

PALET X

PEMUPUT

Pawos 53

1.      Sahanan ketekan pemindanda ring ajeng dados katuku antuk jinah, pawilangannyane manut pengargan beras rikala penauran.

2.      Peraram punike kasumkemin oleh Krama Desa Pakraman Pengotan lan kalingga tanganin oleh Perbekel Desa Pengotan Prajuru Initi Desa Pakraman Pengotan, lan Kelihan Banjar Pakraman Sewewidangan Desa Pakraman Pengotan.

Ngupesaksi, Perbekel Desa Pengotan, I Wayan Arsana

Pengotan,………………………. Bendesa Pakraman Pengotan, I Wayan Kopok

Petajuh, Guru Sempiar	Penyarikan/Juru Surat I Wayan Darmawan	Petengen/Juru raksa, I Ketut Karcis
Pengromba B.Parhyangan, I Ketut Suarno	Pengeromba B.Pawongan, I Wayan Partana	Pengeromba B.Palemahan, I Wayan Parma

Kl.Br. Pakraman Padpadan, I Wayan Sarta	Kl.Br. Pakraman Penyebeh, I Wayan Buda	Kl.Br. Pakraman Besenga, I Wayan Rai	Kl.Br. Pakraman Sunting, I Wayan Perten
Kl.Br. Pakraman Yoh, I Nengah Wates	Kl.Br. Pakraman Dajan Umah, I Wayan Mertia	Kl.Br. Pakraman Delod Umah , I Wyn Sudiarsa	Kl.Br. Pakraman Tiyingdesa, I Wayan Carem